最新動態 BLOG

政情:大整蠱鄧家彪議辦慘變收件站

作者:Fannie 时间:2017-08-31 19:36:03 標籤: 分類:

近年主打快件速運服務嘅公司大行其道,數目之多幾乎拍得住梗有一間喺附近嘅便利店,但勢估唔到有區議員辦事處「被加入」中轉收發站行列,講緊就係身兼勞工顧問委員會勞方委員嘅離島區議員鄧家彪(阿彪)位於東涌逸東邨嘅議員辦事處,最近八個月以來多次收到不明來歷嘅物品,包括有紅景天膠囊、漫畫及皮革等,有一次寄出嘅地點仲來自日本添!阿彪今次高調自爆「被惡搞」嘅來龍去脈,似乎都係未雨綢繆,避免畀不明來歷嘅物品搞到「中伏」,到時真係水洗都唔清嘞!

近八個月不斷收千奇百怪物品

阿彪出任離島區議員多年,佢位於東涌嘅辦事處亦啟用咗十年,一直相安無事,之不過近八個月就發生咗意想不到嘅事情,就係辦事處開始收到千奇百怪嘅物品,包括紅景天膠囊、漫畫及皮革等,有一次係收到掛號信,另一次嘅信封抬頭,仲寫明收件人係阿彪,就此,佢上星期已到警署備案。

仲未搵到有關交易平台負責人

對於區議員辦事處變中轉收發站,阿彪對此感到匪夷所思,因為佢間辦事處開設多年,冇用作其他用途,又話最壞情況係「中招」違法,佢估計,可能有交易平台借咗佢辦事處作為中轉收發站,佢強調辦事處唔可以,亦唔應該有其他用途,希望搵到有關交易平台嘅負責人,盡快禁絕同類事件再次發生。

除咗阿彪嘅辦事處「中招」,觀塘區議員顏汶羽喺觀塘彩霞邨嘅辦事處亦收過「奇怪」傳單,所指嘅係速遞到辦事處嘅古董拍賣清單,就此,佢打電話畀嗰間古董拍賣行職員了解,先發現自己無端端加入咗佢哋嘅聯絡名單之中,之後當然即時要求剔出聯絡名單,自此就再冇收過類似嘅拍賣清單。

其實立法會議員、區議員辦事處嘅設立,目的係有一個據點為市民排難解紛,佢哋真係要打醒十二分精神,否則畀不法之徒借辦事處地址「另有所圖」,甚至有金錢上損失,就真係後悔莫及嘞!


本文来源:http://orientaldaily.on.cc/cnt/news/20170830/00176_132.html

  • 來自星星美食| Facebook

    來自星星美食. 3114 likes · 57 talking about this. 主持:陳俊偉時間:星期五D100香港台15:00 - 17:00.

  • Prince & Princess‏ @shoppnp

    【舒心薰衣草皂】幾乎所有美容產品也使用這種芳香草本成份,如洗髮水,護髮素,肥皂,凝膠,護膚霜,磨砂,香水,精油,茶等等。如果你曾經睡前使用過它,就知道它是最芳香和有效的鬆弛藥草之一。薰衣草的氣味令您舒緩情緒,為睡眠做好準備。 https://m.facebook.com/palaceprinceprincess/photos/a.10154130594932591.1073741844.302092902590/10154993056187591/?type=3¬if_t=like¬if_id=1488941406734781&ref=m_notif …pic.twitter.com/nVkXOBHHHf

  • 【美妝達人倔強朵力分享】林敬鈞醫師- 肉毒桿菌瘦小臉。角 ... - Google Plus

    2017年5月26日 - 角角方臉變線條平滑小v臉! ​ 最近已經有好幾個朋友跟我說,我是不是變瘦啦臉變尖了還要我多吃點~~ 但是我明明胖了兩公斤怎麼可能看起來 ...

Copyright © 2016 -Hilarious-Delicacy Moment- All Rights Reserved.